დღევანდელ დროში ცოდნა ყველაფერია

კარგად შედგენილი სასწავლო პროექტების მახასიათებლები

სასწავლო პროცესში სხვადასხვაგვარი პროექტები ინერგება. ეფექტური პროექტები აბალანსებენ მოსწავლეების კონტროლის დონეს მასწავლებლის მიერ დაგეგმილ იმ სტრუქტურასთან მიმართებაში, რომელიც მოსწავლის სამუშაოს მიმართულებას აძლევს. შემდეგი მახასიათებლები დაგეხმარებათ ეფექტური სასწავლო პროექტის განსაზღვრაში.
მოსწავლეები სასწავლო პროცესის ცენტრში.
კარგად შედგენილი სასწავლო პროექტები უზრუნველყოფენ მოსწავლეების ღია და აუთენტურ ამოცანებში ჩართვას. პროექტების მიზნები მოსწავლეებისაგან გადაწყვეტილებების მიღებასა და თავიანთი ინტერესების პროდუქტის შექმნისა და შესრულების უზრუნველყოფისაკენ მიმართვას მოითხოვენ. მოსწავლეები ინფორმაციის მოძიებით სწავლობენ და გარკვეულ დონეზე მართავენ თავიანთ გადაწყვეტილებებს პროექტის მიზნების შესრულებისას. მასწავლებელს ფასილიტატორის ან მსაჯის როლი აქვს. მოსწავლეები ხშირად მუშაობენ თანამშრომლობით ჯგუფებში, რაც ხელს უწყობთ მათ, რომ გამოიყენონ თავიანთი ნიჭი და უნარები.
პროექტები ფოკუსირებულია მნიშვნელოვან სასწავლო მიზნებზე, რომლებიც შეესაბამება სტანდარტებს.
კარგი პროექტები შედგენილია სასწავლო პროგრამის იმ ძირითად კონცეფციებზე დაყრდნობით, რომლებიც ეროვნულ ან ადგილობრივ სტანდარტებს ასახავს. პროექტს მკაფიო მიზნები აქვს, რომლებიც შეესაბამება სტანდარტებს და ფოკუსირებულია იმაზე, თუ რა უნდა იცოდნენ მოსწავლეებმა თავიანთი სწავლის შედეგად. მიზნებზე ორიენტირებით მასწავლებელი განსაზღვრავს შესაფერისი ცოდნის დემონსტრირებას შეფასების გეგმაში და ორგანიზებას უწევს სასწავლო აქტივობებსა და სწავლებას. საპროექტო სამუშაოს კულმინაციას წარმოადგენს მოსწავლის პროდუქტი ან შესრულება, კერძოდ დამაჯერებელი პრეზენტაცია და საინფორმაციო ბიულეტენები, რომლებიც წარმოადგენენ საგნობრივი სტანდარტისა და სასწავლო მიზნების მიღწევის დემონსტრირებას.
პროექტის მიმართულების მიმცემი საკვანძო კითხვები.
კითხვების მეშვეობით პროექტები ფოკუსირებულია მნიშვნელოვან შესასწავლ საკითხებზე. მოსწავლეებისათვის პროექტის გაცნობა ისეთი კითხვების მეშვეობით ხდება, რომლებიც ინტერდისციპლინარული იდეების გენერირებას მოითხოვს. მოსწავლეებს აქვთ გამოწვევა, რომ საკითხის სიღრმისეულად შესწავლით გასცენ პასუხი შინაარსობრივ კითხვებს, რომლებიც ფოკუსირებულია სტანდარტებსა და მიზნებზე. მიმართულების მიმცემი საკვანძო კითხვების სამი ტიპი არსებობს: ზოგადი, თემატური და შინაარსობრივი კითხვები. ზოგადი კითხვები წარმოადგენენ ფართო ღია კითხვებს, რომლებიც დიდ იდეებს და მტკიცე კონცეფციებს ეხება. ისინი ხშირად ინტერდისციპლინარულია და ეხმარება მოსწავლეებს, რომ საგნებს შორის კავშირი დაინახონ. თემატური კითხვები მჭიდროდ დაკავშირებულია პროექტთან და ხელს უწყობს კვლევას არსებით კითხვაზე საპასუხოდ. თემატური კითხვები აჩვენებენ, თუ რამდენად კარგად იგებს მოსწავლე პროექტის ძირითად კონცეფციას. შინაარსობრივი კითხვები კი უფრო ფაქტებზე დაფუძნებულია და ითვალისწინებს არსებულ სტანდარტებსა და მიზნებს. 
პროექტები მიმდინარე შეფასებას და შეფასების სხვადასხვა ტიპებს მოიცავენ.
მოლოდინები ნათლად განისაზღვრება პროექტის დასაწყისში და შეფასების სხვადასხვა მეთოდით მრავალჯერ ფასდება, თუ რამდენად გაიგო საკითხი მოსწავლემ. მოსწავლეებს აქვთ ხარისხიანი ნამუშევრის მოდელები და სახელმძღვანელო პრინციპები, მათ პროექტის დასაწყისშივე იციან რას ელიან მათგან. რეფლექსიის, უკუკავშირისა და რეგულირების შესაძლებლობები ჩართულია პროექტში.
პროექტი უკავშირდება რეალურ სამყაროს.
პროექტები რელევანტურია მოსწავლეების ცხოვრებისეულ გამოცდილებასთან და ყოველდღიურობასთან. პროექტების განხორციელებისას საჭიროა კავშირი თემთან და ექსპერტებთან, რომლებსაც შეუძლიათ ინფორმაციის მოწოდება სწავლების კონტექსტში. მოსწავლეებს შეუძლიათ ნამუშევარი წარუდგინონ აუთენტურ საზოგადოებას, იურთიერთონ საზოგადოებასთან / თემთან ინფორმაციის მოძიებისათვის, მიმართონ ექსპერტს ან დაუკავშირდნენ ერთმანეთს ტექნოლოგიების გამოყენებით.
მოსწავლეები აჩვენებენ თავიათ ცოდნას პროდუქტისა და შესრულების მეშვეობით.
ჩვეულებრივ პროექტის კულმინაციაა მოსწავლის მიერ ნასწავლის დემონსტრირება პრეზენტაციებით, წერილობითი დოკუმენტებით, თვალსაჩინო მასალით, შეთავაზებებით ან სიმულირებული ღონისძიებებით, მაგალითად იმიტირებული სასამართლო პროცესი. ეს საბოლოო პროდუქტები მოსწავლეებს ნასწავლი გამოხატვისა და გათავისების საშუალებას აძლევს.
ტექნოლოგია ხელს უწყობს და აძლიერებს მოსწავლის სწავლას.
მოსწავლეებს აქვთ წვდომა სხვადასხვა ტიპის ტექნოლოგიის გამოყენებაზე, რომლებიც ხელს უწყობენ აზროვნების უნარების, შინაარსობრივი ანალიზისა და საბოლოო პროდუქტების შექმნის განვითარებას. ტექნოლოგიების დახმარებით მოსწავლეები მართავენ თავიანთ საბოლოო შედეგს და აქვთ შესაძლებლობა, რომ მოახდინონ პროდუქტის დასრულება. მოსწავლეებს ასევე შეუძლიათ გააღწიონ თავიანთი საკლასო ოთახიდან და ითანამშრომლონ მოშორებით მყოფ კლასებთან ელ. ფოსტისა და მათ მიერ შექმნილი ვებ-გვერდების მეშვეობით, ან წარუდგინონ მათ ნასწავლი მულტიმედიის საშუალებით.
აზროვნების უნარები ინტეგრირებულია საპროექტო სამუშაოში.
პროექტზე მუშაობა ხელს უწყობს მეტაშემეცნებისა და კოგნიტური აზროვნების უნარების განვითარებას, როგორიცაა თანამშრომლობა, თვით-მონიტორინგი, მონაცემთა ანალიზი და ინფორმაციის შეფასება. პროექტზე მუშაობისას მიმართულების მიმცემი საკვანძო კითხვები მოსწავლეებს უქმნიან გამოწვევებს, რომ იფიქრონ და გააკეთონ კავშირები სხვადასხვა ცხოვრებისეულ კონცეფციებთან.
სწავლების სტრატეგიები განსხვავებულია და ხელს უწყობს სხვადასხვა სწავლის სტილს. 

სწავლების სტრატეგიები ამდიდრებს სწავლის გარემოს და ავითარებს მაღალ სააზროვნო უნარებს. სწავლების სტრატეგიების ნაკრები უზრუნველყოფს, რომ სასწავლო პროგრამით გათვალისწინებული მასალა ათვისებადი და გასაგები იყოს ყველა მოსწავლისათვის და შექმნას შესაძლებლობა, რომ ყოველი მათგანი წარმატებული იყოს. სწავლება შესაძლოა მოიცავდეს სხვადასხვა თანამშრომლობითი ჯგუფების სტრატეგიის,  მასწავლებლისა და თანატოლთა უკუკავშირის გამოყენებას.

ტერმინი	ლექსიკური მნიშვნელობა	სააღმზრდელო(პედაგოგიური) მნიშვნელობა
მეთოდი	თეორიული კვლევა  ან რაიმეს პრაქტიკული განხორციელება	კონკრეტულ საქმიანობით სწავლის პროცესის ორგანიზებისთვის, პრაქტიკული ან თეორიული ცოდნის დაუფლებისთვის საჭირო უნარ-ჩვევების გამოსამუშავებელი მეთოდების ერთობლიობა
პროექტი	გეგმა, ჩანაფიქრი, დოკუმენტის წინასწარი ტექსტი
პროექტის მეთოდი		მეთოდი, რომელსაც საფუძვლად უდევს  მოსწავლეთა შემეცნებითი უნარების, კრიტიკული და შემოქმედებითი აზროვნების, ცოდნის დამოუკიდებლად კონსტრუირების, საინფორმაციო სივრცეში ორიენტირების, პრობლემის დანახვისა და ფორმულირების უნარები.  სააღმზრდელო მიზნის მისაღწევი საშუალება  პრობლემის დეტალური ანალიზის გზით, რომელიც უნდა მოგვარდეს  სრულიად რეალური პრაქტიკული შედეგით და უნდა გაფორმდეს გარკვეული სახით.  მეთოდი, რომელიც ისახავს მიზნად რაიმე პრობლემის გადაჭრას მრავალფეროვანი სასწავლო მეთოდებისა და სამეცნიერო, ტექნოლოგიური და შემოქმედებითი სფეროდან მიღებული ინტეგრირებული ცოდნის გამოყენებით.
პრობლემა	ამოცანა, რომელიც მოითხოვს გადაწყვეტას, კვლევას, სირთულის ან წინააღმდეგობის მოგვარება არსებული ცოდნითა და გამოცდილებით	ამოცანა, რომელიც შეიცავს წინააღმდეგობას და არ აქვს  ცალსახა არგუმენტირებული პასუხი, რომელიც ითხოვს  გადაჭრის გზის ძიებას.
პრობლემური სიტუაცია	ადამიანის საქმიანობის გარემოებები და პირობები, რომლებიც შეიცავს წინააღმდეგობებს და არ აქვს რაიმე ცალსახა უნიკალური გადაწყვეტილება	მოსწავლეთა საქმიანობის გარემოებები და პირობები, რომლებიც შეიცავს წინააღმდეგობებს და არ აქვს რაიმე ცალსახა უნიკალური გადაწყვეტილება
სასწავლო პროექტი		მოსწავლეთა ერთობლივი სასწავლო-შემეცნებითი, შემოქმედებითი ან სათამაშო საქმიანობა, რომელთაც აქვთ ერთი მიზანი, შეთანხმებული სამოქმედო აქტივობები და მიმართულია პროექტში მონაწილე მოსწავლეთათვის მნიშვნელოვანი  რაიმე ღირებული პრობლემის მოგვარებისკენ.